Учурда төмөнкү иштер аткарылды:
· Гидроэлектр станциясынын имараттарын куруу үчүн 8 чакырым узундукта убактылуу кирүү жолу куруу аяктады.
· Папан суу сактагычынын чөйчөгүндө суу кабыл алуучу куруу үчүн жер тилкеси бөлүнүп берилди.
· ГЭС имараты жана 110 кВ (ОРУ-110 кВ) жогорку чыңалуу бөлүштүрүүчү түзмөгү бар өндүрүштүк түйүн куруу үчүн жерди бөлүп берүү жана трансформациялоо процедурасы жүргүзүлүүдө.
· Курулуш учурунда электр энергиясын пайдалануу үчүн техникалык шарттар иштелип чыгып, макулдашылды.
· Папан ГЭСинен 110 кВ «Узловая – Беш-Мойнок» жогорку чыңалуу электр линиясынын опорлорун орнотуу үчүн жерди бөлүп берүү маселелери иштелип жатат.
Мындан тышкары, долбоордук-сметалык документация иштелип жатат, курулуш үчүн алдын ала план аныкталды, Папан суу сактагычынын аймагына кирүүгө уруксат алынды жана инженердик изилдөөлөр улантылууда.
Эскерте кетсек, 2024-жылдын 5-октябрында Папан ГЭСинин капсуласын коюу салтанаты болуп өттү.
