Учурда төмөнкү этаптар аткарылды:
- курулуш аянтчасына 8 км узундуктагы убактылуу кирүү жолу тартылды;
- Папан суу сактагычынын түбүндө суу кабыл алуучу курулуш үчүн жер тилкеси бөлүндү;
- курулуш процессинде электр энергиясын пайдалануу үчүн техникалык шарттар иштелип чыкты жана макулдашылды.
Сүрөт Кыргыз Республикасынын Энергетика министрлигинин басма сөз кызматы тарабынан тартылган.
Сүрөт Кыргыз Республикасынын Энергетика министрлигинин басма сөз кызматы тарабынан тартылган.
Сүрөт Кыргыз Республикасынын Энергетика министрлигинин басма сөз кызматы тарабынан тартылган.
Мындан тышкары, учурда өндүрүш комплексин түзүү үчүн жерлерди бөлүп берүү жана трансформациялоо процессу жүргүзүлүүдө, ал ГЭС имараты жана 110 кВ чыңалуудагы ачык бөлүштүрүүчү жабдыкты камтыйт. Ошондой эле Папан ГЭСинен "Узловая - Беш-Мойнок" линиясына 110 кВ аба линиясынын опоросун орнотуу үчүн жерлерди пайдалануу маселелери каралууда.
Муну менен катар, долбоордук-сметалык документация боюнча иштер жүрүп жатат, курулуштун алдын ала графиги бекитилди, ошондой эле Папан суу сактагычынын аймагына кирүү үчүн уруксаттар алынды жана инженердик изилдөөлөр улантылууда, деп билдирет басма сөз кызматы.
Папан ГЭСинин капсуласын салуу салтанаты 2024-жылдын 5-октябрында өттү.
