Текшерүүлөр ТРК «Ош базары», «Орто-Сай», «Аламедин», «Дордой», «Азиз» базарларын, ошондой эле «Маркеты», «Глобус», «Азия» жана башка соода тармактарын камтыйт. Бул иш-чаралардын алкагында ишкерлер менен бааларды негизсиз жогорулатууга жол бербөө жана 1 килограмм кой эти менен сиыр этине 680 сомдон ашпаган чектик розничный бааларды сактоонун маанилүүлүгү боюнча түшүндүрүү сүйлөшүүлөрү өткөрүлөт.
Мындан тышкары, арзан баада эт азыктарын соодалоону кеңейтүү боюнча иштер жүргүзүлүп, делдалдарсыз соода орундарын бөлүп берүү жана кошумча сатуу пункттарын ачуу пландалууда.
2026-жылдын 14-январынан тартып Ош базарында эттин оптовый соодасы токтотулат жана «Алтын-Така» мал базарында жаңы эт павильону «Чүйгүн» иштей баштайт. Бул павильон этти оптовый сатууга арналган жана бардык санитардык жана ветеринардык талаптарга жооп берет. Учурда оптовый соода ушул павильондо жүргүзүлүүдө.
Розничный соода да ушул эле аймакта «Таза адал эт» павильонунда жүргүзүлүп, жарандар сапаттуу жана коопсуз продукцияны сатып ала алышат.
Шаардык мэриянын маалыматы боюнча, Ош базарындагы эт сатуу пункттары «Алтын-Така» мал базарына көчүрүлгөн. Жаңы эт павильону «Чүйгүн» тургундарды оптовый жана розничный баада сапаттуу эт менен камсыздайт.
Учурда актуалдуу оптовый баалар: кой эти — 640–680 сом, сиыр эти — 640–680 сом, ат эти — 540–560 сом, ал эми розничный баалар 660 сомдон башталат.
