Долбоор малды семиртүүдөн баштап, продукцияны сатууга чейин бардык этаптарды камтыган интеграцияланган өндүрүш-логистика чынжырын түзүүгө багытталган. Бул кластерге тартылган фермерлер жана агробизнесмендер жеңилдетилген пайыздык ставкалар менен кредиттер алууга мүмкүнчүлүк алышат.
Жалпы каржылоо көлөмү 1,5 миллиард сомду түзөт, ал эми кредиттер мамлекеттик финансылык мекемелер аркылуу берилет, деп белгилешти Минводсельпромдон. Бул долбоор азык-түлүк рыногундагы бааларды стабилдештирүү үчүн маанилүү кадам катары каралууда.
