Маалыматка ылайык, аталган долбоордун негизги максаты — малды семиртүүдөн даяр продукцияны сатууга чейин бардык этаптарды камтыган бирдиктүү өндүрүш-логистика чынжырын түзүү.
Жыйналыштын алкагында катышуучуларга финансылык жеңилдиктер жөнүндө маалымат берилди, ошондой эле долбоорго катышуу эрежелери, катышуучуларга коюлган талаптар жана мүмкүн болгон сунуштар түшүндүрүлдү.
Мындан тышкары, катышуучулар бул башталышты практикалык жактан ишке ашыруу боюнча пикир алмашышты. Жыйындын натыйжасында долбоордун натыйжалуулугун жогорулатууга багытталган сунуштар иштелип чыкты.
Долбоорду ишке ашыруу «Айыл Банк» ААКсы жана «Элдик Банк» ААКсы аркылуу жүргүзүлөт.
Бөлүнгөн жалпы финансылык көлөм 1,5 миллиард сомду түзөт.
