Мыйзам долбоору өкмөт башчысынын демилгеси менен сунушталды.
Юстиция министринин орун басары Алмазбек Зарылбек уулу, бул мыйзам долбоорунун негизги максаты – электрондук акчаларга байланыштуу укуктук жөнгө салууда боштуктарды жоюу, ошондой эле аларды жарандык укуктардын объекттери катары таануу жана мыйзамга ылайык мурас кылууну камсыздоо экенин түшүндүрдү.
Талкуу учурунда депутат Улан Примов электрондук акчаларга байланыштуу Граждандык кодекстин 22-беренесине сунушталган өзгөртүүлөргө жана электрондук акчалардын эмитенттери менен байланышкан төлөм системасы боюнча мыйзамга киргизилген өзгөртүүлөргө көңүл бурду.
Мындан тышкары, депутат Дастанбек Джумабеков «электрондук акча» терминдин укуктук аныктамасы боюнча маселе көтөрдү.
