Фитосанитардык карантиндик контролдун жүрүшүндө фитосанитардык сертификатта көрсөтүлгөн маалыматтар менен товарды коштогон документтердеги маалыматтар арасында шайкешсиздик аныкталды. Натыйжада, бул партиянын Кыргызстанга алып келиниши мүмкүн болбой калды, жүктүн кайра жөнөтүүчүгө кайтарылганы тууралуу расмий билдирүүдө айтылат.
Мындай чечим 2010-жылдын 18-июнундагы №318 Таможендик союздун комиссиясынын чечими менен бекитилген карантиндик фитосанитардык контролду (көзөмөлдү) жүргүзүүнүн тартиби жөнүндө жобонун 3.7-пунктуна ылайык кабыл алынды, бул Евразия экономикалык бирлигинин бажы аймагында күчүндө.
Министрлик ошондой эле импортёрлорго айыл чарба продукциясын алып келүүдө фитосанитардык нормаларды катуу сактоонун маанилүүлүгүн эске салды.
