Кыргызстанда 2025-жылдан 2030-жылга чейин электр энергиясынын тарифтери поэтаптуу өсөт, бул инфляциялык көрсөткүчтөргө ылайык болот. Бул тууралуу КР Энергетика министрлигинин Жанар-энергетикалык комплексин жөнгө салуу департаментинин директору Тимур Орозалиев «Кабар» агенттигинин «Элден Собол» программасында маек учурунда билдирди.
2025-жылдын 1-майынан баштап 2030-жылга чейин эсептелген жаңы орто мөөнөттүү тарифтик саясат күчүнө кирет.
«Быйыл биз тарифтик саясаттын кийинки этабына өтүп жатабыз. Азыркы учурда керектөөчүлөрдүн категориялары 14төн 7ге чейин кыскарды. Ошол эле учурда аз камсыз болгон үй-бүлөлөр үчүн колдоо сакталат жана алардын тарифтери 700 кВтч чегинде 50 тыйын деңгелинде калат», - деп түшүндүрдү Орозалиев.
Элге жана уюмдарга жаңы тарифтер:- Эл үчүн 700 кВтч чейин: жаңы тариф 1 сом 64 тыйын (27 тыйынга жогорулады).
- Эл үчүн 700 кВтч ашык: тариф 2 сом 94 тыйын (34 тыйынга жогорулады).
- Кыйын жеткиликтүү жана бийик тоолуу аймактардын тургундары үчүн: тариф 1 сом 64 тыйын деңгелинде калат (27 тыйынга жогорулады).
- Социалдык жана коомдук объекттер (мисалы, насос станциялары, диний уюмдар, интернаттар, мүмкүнчүлүгү чектелген адамдар жана карыялар үчүн мекемелер) 2 сом 96 тыйын төлөшөт (34 тыйынга жогорулады).
- Өндүрүш ишканалары: тариф 3 сом 65 тыйын.
- Бюджеттик мекемелер: 4 сом 62 тыйын.
- Коммерциялык керектөөчүлөр: 4 сом 33 тыйын.
- Энергетикалык жүктөмдүү өнөр жай керектөөчүлөр: 6 сом 84 тыйын.
- Электр унаалары үчүн заряддоо станциялары: 1-майдан тарта тариф 5 сом 99 тыйын болот.
