Окуя Матросова көчөсүндө, 10-үйдө 14 кабаттуу турак үй курулуп жаткан жерде болду.
Министрликтин маалыматына ылайык, учурда бул окуянын кесепеттерин жоюу жана зыяндарды калыбына келтирүү боюнча иштер жүргүзүлүүдө.
Алдын ала маалыматтар курулуш иштерин жүргүзүү учурунда эмгек коргоо жана техникалык коопсуздук боюнча нормаларды бузуу болгонун көрсөтүп жатат, бул бетон насосунун төрт опоросунун биринин сынышына алып келди.
Окуянын натыйжасында техника жапсарлаш аймактагы тосмону бузуп, электр зымдарын үзүп салды.
«ОсОО «Аманат Сити» курулуш иштерин жүргүзгөндүгү боюнча текшерүүнүн жыйынтыгы менен 200 миң сом өлчөмүндө айып пул салынды. Ошондой эле бузулган электр зымдарын калыбына келтирүү боюнча буйрук берилди, учурда бул иштерди компания жүргүзүүдө», - деп билдиришти министрликтен.
Юстиция министрлигинин маалыматына ылайык, ОсОО «Аманат Сити» 2024-жылы катталган. Уюмду Аширов Айбек Оросбаевич жетектейт, ал эми негиздөөчүлөрдүн арасында: Шерматов Асылбек Эсенгелдиевич, Тыныбеков Бектур Миталипович, Маматов Мирланбек Үсөнович жана Макешов Мухамед Кубанычбекович бар.
