Алдын ала текшерүү иштерди жүргүзүү учурунда эмгек коргоо жана техникалык коопсуздук талаптары сакталбагандыгы аныкталды, бул бетон насостун төрт опоросунун биринин бузулушуна алып келди.
Бул окуянын натыйжасында жакынкы аймактын тосмолору бузулду жана электр зымдары үзүлдү.
Министрликтин инспекторлору окуя болгон жерге тез арада чыгып, абалды баалоо иштерин жүргүздү. Учурда кесепеттерди жоюу жана бузулган жерлерди калыбына келтирүү боюнча иштер жүргүзүлүүдө.
Текшерүүнүн жыйынтыгы боюнча, аталган объектте курулушту жүргүзүп жаткан ОсОО "Аманат Сити" компаниясына 200 миң сом өлчөмүндө айып пул салынды. Мындан тышкары, бузулган электр зымдарын калыбына келтирүү боюнча буйрук берилди жана иштер башталды.
