Министрлик учурда өлкөдө негизги азык-түлүк товарларынын жетишсиздиги жок экенин жана азык-түлүк запастары жетиштүү экенин белгиледи. Ярмаркалар ички рынокту туруктуу камсыздоо жана жарандарга сапаттуу товарларды жеткиликтүү баада сунуштоо үчүн уюштурулган.
Ар бир жекшемби Бишкекте шаардык мэрия менен биргеликте ярмаркалар өтүп, жергиликтүү тургундар азык-түлүк товарларын базар баасынан төмөн баада сатып ала алышат.
Бул ярмаркалардын негизги максаттары баанын өсүшүн токтотуу, социалдык жактан уязвимдүү катмарлар үчүн азык-түлүктүн жеткиликтүүлүгүн камсыздоо, отандык өндүрүүчүлөрдү колдоо жана ички рынокту стабилдештирүү болуп саналат.
Бишкекте ярмаркалар төмөнкү жайларда өтөт:
• Т. Усубалиев атындагы аянт;
• И. Раззаков жана Абдымомунов көчөлөрүнүн кесилишиндеги аймак;
• Эркиндик бульвары (Биринчи май район).
