Уюштуруучулар азык-түлүк товарларынын баасын кармап туруу жана сатып алуучулар менен айыл чарба өндүрүүчүлөрүнүн ортосунда түз байланыш түзүүгө көңүл бурушту. Базарга жеке фермерлер менен региондогу ири кайра иштетүүчү компаниялар катышты. Социалдык жактан уязвимдүү топторго атайын кам көрүлүп, аларга орточо базар баасынан төмөн баада продукция сатып алуу мүмкүнчүлүгү берилди.
Министрликте мындай иш-чаралар ички рынокто негизсиз баа өсүшүнүн алдын алууга жардам берерин белгилешти. Ошондой эле, ведомстводо республикада азык-түлүк запастары жетиштүү деңгээлде экенин, мамлекеттик структуралар күн сайын бааларды көзөмөлдөп, азык-түлүк секторунда туруктуулукту камсыз кылуу иштерин улантып жатканын билдиришти.
