Жармаканы уюштуруу райондук агрардык өнүктүрүү башкармалыгы тарабынан Чон-Алай, Кашка-Суу жана Жекенди айыл өкмөттөрү менен кызматташтыкта жүргүзүлдү. Жергиликтүү тургундар арзан баада эт, жашылча, жемиш, ун, өсүмдүк майы жана кант сыяктуу кеңири ассортименттеги азыктарды сатып ала алышты.
Фермерлер жана өндүрүүчүлөр иш-чарага активдүү катышып, өз продукцияларын түздөн-түз, ортомчуларсыз сатууга мүмкүнчүлүк алышты. Бул өндүрүүчүлөр менен керектөөчүлөр ортосунда түз байланыштарды түзүүгө жана калк үчүн азык-түлүк бааларын төмөндөтүүгө жардам берди.
Жармаканын негизги максаты жарандарды сапаттуу жана коопсуз азыктар менен камсыздоо, ошондой эле маанилүү азык-түлүк товарларынын бааларын стабилдештирүүгө жана ички рынокту колдоого көмөктөшүү болду.
Республикада азык-түлүк коопсуздугу толук камсыздалганын белгилеп өтүү зарыл. Социалдык мааниге ээ азык-түлүк товарларынын запастары тиешелүү деңгээлде, азык-түлүк жетишсиздиги байкалбайт. Министрлик жана башка мамлекеттик органдар рынокту үзгүлтүксүз мониторинг жүргүзүп, калкты керектүү азыктар менен камсыздоо үчүн чараларды көрүшөт.
Келечекте өлкөнүн ар кандай региондорунда жергиликтүү калкты колдоо үчүн ушундай азык-түлүк жармакаларын уюштурууну улантуу пландалууда.
