Ведомствонун маалыматына ылайык, Акунбеков мурдагы министр Бакытым Торобаев тарабынан башталган беш негизги багытта ишин улантат:
Ирригация жана таза суу менен камсыздоо;
Уруктар, көчөттөр, тукумдук мал чарба жана ветеринария;
Кооперация, кайра иштетүү, логистика жана механизация (МТС);
Агроөнөр жай продукциясын экспорттоо жана импорттоо;
Илим, билим, тажрыйба алмашуу жана окутуу.
Ошондой эле жолугушууда биринчи вице-министр Жаныбек Керималиев ведомствонун учурдагы ишмердүүлүгү тууралуу маалымат берди, ал эми вице-министр Мирбек Дуйшеев айыл чарбадагы кредит берүү программалары тууралуу айтып берди.
«Учурда агроөнөр жай комплексин мамлекеттик каржылык колдоо боюнча 13 млрд 180 млн сомдук жалпы суммасында 9 долбоор ишке ашырылууда», — деп кошумчалашты ведомстводон.
