Сүйлөшүү учурунда Джастин Сан Кыргызстандагы виртуалдык активдер секторунун активдүү өнүгүшүн белгилеп, анын TRON менен келечектеги кызматташуу жана биргелешкен долбоорлорду ишке ашыруу үчүн маанилүү потенциалы бар экенин айтты.
Мындан тышкары, жолугушууда KGST улуттук стейблкоиндин мүмкүнчүлүктөрүн кеңейтүү боюнча маселелер талкууланды. Жолугушуунун катышуучулары бул актив азыр HTX эл аралык криптобиржасында сунушталганын, ал TRON менен жакын байланышта экенин белгилешти. Бул контекстте KGSTнин өсүшү үчүн TRON инфраструктурасы менен интеграция мүмкүнчүлүгү, технологиялык шайкештик жана транзакциялар үчүн чөйрөнү кеңейтүү маселелери каралды.
TRON дүйнөдөгү блокчейн экосистемаларынын арасында алдыңкы орундардын бирин ээлеп, стейблкоиндер (USDT) боюнча жүгүртүүнүн көлөмү боюнча лидер болуп саналат. Тармак жогорку өткөрүү жөндөмдүүлүгү менен айырмаланып, ар кандай өлкөлөрдө санариптик финансылык инструменттерди чыгаруу үчүн артыкчылыктуу платформа болуп эсептелет.
