Ал өткөн жылы жергиликтүү өз алдынча башкаруу органдары 89 долбоорду ишке ашырганын, бул үчүн Каржы министрлигинен стимулдаштыруучу гранттарды колдонгонун белгиледи. Жалпы инвестициялардын суммасы 365 миллион 872 миң сомду түздү, анын ичинен 191 миллион 879 миңи гранттык каражаттарга, 173 миллион 993 миңи айыл өкмөтүнүн өз ресурстарынан бөлүнгөн.
Жантаев өкүлчүлүк жаңы инвестициялык долбоорлорду активдүү түрдө баштап жатканын, инвесторлорду тартууну күтпөй турганын баса белгиледи.
Чүй облусунун эл аралык кызматташтыгынын негизги багыттары соода, илим, технологиялар, социалдык маселелер жана маданият сыяктуу тармактарда башка өлкөлөрдүн өнүккөн региондору менен тажрыйба алмашууну, ошондой эле региондун инвестициялык потенциалын жогорулатууну камтыйт.
Расмий өкүлдүн айтымында, учурда Чүй облусу Россиянын Ленинград облусу жана Кытайдын Шаньдун, Шаньси, Ганьсу жана Синьцзянь провинцияларыменен активдүү кызматташууда.
