Бул каражат 357 долбоорду ишке ашырууга жумшалган.
«2025-жылы 114 инфраструктура объектилеринде иштер жүргүзүлдү. 82 автожолго 4 млрд 348 млн сом өлчөмүндө толук каржылоо бөлүндү. Атап айтканда, Узген—Мырзаке—Кара-Кулжа жолуна 2,2 млрд сом, 13 суу камсыздоо объекттери жана 19 ирригация долбоору үчүн 317,9 млн сом бөлүндү», - деп белгиледи Касымалиев.
Ош облусунун жергиликтүү бюджеттерин колдоо үчүн 1 млрд 329,2 млн сом бөлүнгөн, ал эми 2025-жылы республикалык бюджеттен регионго жалпы 11 млрд сом чамасында каражат келген.
2024-жылга Ош облусунун бюджети 4 млрд 731 млн сом өлчөмүндө бекитилген, ал эми 2025-жылы кирешелер фактически 6 млрд 447 млн сомду түзүп, өткөн жылга салыштырмалуу 2,3 млрд сомго көп болду.
«Ош облусу өлкөнүн экономикалык жана социалдык прогрессинде абдан жакшы орунду ээлейт, бирок өндүрүмдүүлүк дагы эле жетишсиз. Мисалы, 2025-жылы Талас облусундагы өнөр жай продукциясынын жалпы чыгарылышы 51 млрд сомду түзсө, Ош облусунда болгону 22,8 млрд сомду түздү, бул 2,3 эсе аз», - деп кошумчалады Кабминдин төрагасы.
Коллегиянын жыйынтыгында Касымалиев Узген жана Чон-Алай райондорунун иштерин «жакшы» деп, Ош облусунун иштерин өткөн жылдын жыйынтыгы боюнча «канааттандырарлык» деп баалады.
