Бул кенде жайгашкан алтынды өндүрүүчү фабрика 2024-жылдын октябрь айында тесттик режимде ишин баштады. Кендин иштетүүчү кубаттуулугу жылына 600 миң тонна руда иштетүүгө мүмкүндүк берет, болжолдонгон алтындын чыгымы 1,8 тоннага жакын. Проектке болжол менен 12 миллиард сом инвестиция салынган.
Солтон-Сары алтын руда кенинин өзү Кыргызстан баш калаасы Бишкектен 355 чакырым алыстыкта, Капка-Таш тоосунун түндүк капталында жайгашкан. Ал үч участокту камтыйт: Бучук, Ак-Таш жана Алтын-Тор, акыркысы «Кыргызалтын» ААКсы тарабынан иштетилүүдө.
Бул кенде болжолдонгон жалпы алтын запастары 20 тоннага жакын деп бааланууда.
Бучук участокту иштетүү укугу 2009-жылы Zhong Ji Mining компаниясы тарабынан сатып алынган. 2011-жылдан бери жергиликтүү тургундар кенди иштетүүгө каршы нааразычылыктарды билдирип, экологияга келтириле турган зыян жана муздардын эриши боюнча кооптонууларын билдиришкен. Ошондуктан 2019-жылы компания курулуш иштерин токтоткон, бирок кийинчерээк алар кайрадан башталган.
