Завод автоклавдык газобетон блокторун өндүрүү үчүн курулууда, ал Кочкорбаев айылдык аймагында жайгашкан. Проект ОсОО «ХУА РУЙ» компаниясы тарабынан инвестициялык келишимдин алкагында ишке ашырылууда, жалпы баасы $10 миллионду түзөт. Завод 2026-жылдын апрель айында ишке кирет деп күтүлүүдө.
Курулуш министрлигинин маалыматына ылайык, жаңы ишкана күнүнө 500дөн 1500 кубометрге чейин газобетон блокторун өндүрүү мүмкүнчүлүгүнө ээ болот, бул жылына 200 миң кубометрге чейин жетет.
Азыркы учурда негизги өндүрүш жайларынын курулушу аяктаган, жана жабдууларды орнотуу улантылууда. Кийинки этапта ишке киргизүү иштерин жүргүзүү, ошондой эле адистерди окутуу жана заводду ишке киргизүүгө даярдык көрүү пландалууда.
Кошумча маалымат:
ОсОО «ХУА РУЙ» компаниясы 20204-жылы Кыргызстанда катталган. Бул ишкананын негиздөөчүсү жана жетекчиси Юй Гохун, ал эми компаниянын негизги иши бетон, гипс жана цементтен жасалган буюмдарды өндүрүү менен байланыштуу.
