Жогорку Кенештин агрардык саясат жана экология боюнча комитетинин жыйынында суу ресурстары, айыл чарба жана тамак-аш өнөр жайы министри Бакыт Торобаев жазгы талаа иштерине даярдык тууралуу маалымат бөлүштү.
Анын билдирүүсүнө ылайык, учурда 40,4 миң тонна дизель отуну жана 9,7 миң тонна бензин бар, алар автозаправка станцияларында жетиштүү көлөмдө турат.
«Мындан тышкары, Мамлекеттик материалдык резервдер фонду 7 миллион тонна дизель отунун бөлүп берди, ал фермерлерге литрине 74 сомдон сатылат. Биз быйыл ГСМ жеткирүү боюнча көйгөйлөр болбойт деп ишенебиз», - деп кошумчалады Торобаев.
