«Акыркы жылдары Кыргызстанда жаңы объектилердин курулушунун өсүшү байкалууда, бул, албетте, оң жагдай. Бирок бүгүнкү күндө турак жайды ижарага алуу баасы коңшу өлкөлөрдөгү баалардан кыйла жогору. Бул жагдайды кантип оңдосо болот?» — деп сурады депутат.
Бул боюнча биринчи вице-премьер-министр Данияр Амангельдиев ГИК менен биргеликте ислам принциптерине негизделген жана ижарага алуу менен кийинки сатып алуу механизмин камтыган программаны ишке киргизүү тууралуу маалымдады.
Амангельдиевдин айтымында, бул демилгени ишке ашыруу үчүн Ислам фонду менен долбоорду каржылоо боюнча келишимдерге жетишилген.
«Биз Ислам фондунан 200 миллион сомдук сумма боюнча макулдаштык, алар каржылоону 400 миллион сомго чейин жогорулатууга макул болушту. Биз бул сумма өзүн актаарына ишенебиз», — деди ал.
