Депутат Махабат Мавлянова өлкөдөгү электр энергиясынын жетишсиздиги боюнча суроо берди.
Рысбековдун айтымында, 2025-жылдын аягына чейин Кыргызстанда электр энергиясынын жетишсиздиги 3,8 миллиард киловатт-саат болушу күтүлүүдө.
Ал бул жетишсиздикти электр энергиясын импорттоо аркылуу толтуруу пландалып жатканын кошумчалады.
Учурдагы жылы жетишсиздикти жоюу үчүн коңшу өлкөлөрдөн электр энергиясын импорттоо боюнча контрактылар түзүлөт, ошондой эле жаңылануучу энергия булактарын киргизүү боюнча программа ишке ашырылат.
Мавлянова импорттолгон электр энергиясынын бир киловатт-саатынын баасы тууралуу маалымат сурады. Бирок министрликтин өкүлү мамлекеттик сырды негизге алып, жооп бере алган жок. Ошол эле учурда, Алтынбек Рысбеков депутатка жеке тартипте маалымат берүүгө убада берди.
