Ал Кыргызстан жылына орточо 14,5 миллиард киловатт-саат электр энергиясын өндүрөрүн белгиледи.
«Бүгүнкү күндө дефицит болжол менен 4,5 миллиард киловатт-саатты түзөт. 2025-жылы биз аны импорт аркылуу, кошуна өлкөлөрдөн 4,3 миллиард киловатт-саат электр энергиясын сатып алуу менен толуктадык. Ошол эле учурда калкка электр энергиясы социалдык тариф менен сатылат, ал эми баалардын айырмасы НЭСКтин мойнуна түшөт. Электр энергиясын импорттоо быйыл да улантылат», — деп кошумчалады Рысбеков.
Дефицитти азайтуу максатында жаңылануучу энергия булактарын өнүктүрүү үчүн да аракеттер жасалууда. «Биз инвестицияларды тартуу үчүн ыңгайлуу шарттарды түзүүгө умтулабыз. Азыркы учурда көптөгөн инвесторлордун кызыгуусун байкап жатабыз. Күн жана шамал электр станцияларын куруу эки жылга чейин созулат, бул энергия өндүрүшүн тез арада көбөйтүүгө мүмкүнчүлүк берет. Ошондуктан ВИЭни өнүктүрүү биздин приоритетибиз болуп калууда», — деп баса белгиледи министрдин орун басары.
