Ведомствонун маалыматына ылайык, О.С.М. 2018-жылдан 2025-жылга чейин Ак-Суу районунун суу чарба башкармалыгынын начальниги болуп иштеп, жеке пайдасы үчүн өз ыйгарым укуктарын колдонуп, кызматтык экскаваторду сырттагы адамдарга ижарага берген.
Маалыматка караганда, ижарадан алынган 625 миң сомдук акча каражаты башкармалыктын эсебине түшпөй, О.С.М. тарабынан менчиктештирилген. Натижада машинанын көп жолу мыйзамсыз колдонулушу себептүү ал бузулуп, кайра колдонууга жараксыз болуп калды. Эксперттердин корутундусуна ылайык, экскаватордун базардагы баасы 800 миң сомду түзөт.
МУККнын маалыматы боюнча, О.С.М. тарабынан мамлекетке келтирилген жалпы зыян 1 425 000 сом деп бааланууда. Учурда ал Каракол шаарындагы тергөө абагында кармалып жатат, териштирүү уланууда.
