Ал Кыргызстан региондук жана дүйнөлүк деңгээлде ИДПнын өсүшүнүн таасирдүү темптерин көрсөтүп жатканын белгиледи.
«2025-жылы экономикалык өсүш жогорку деңгээлде болуп, акыркы эки жылда (2024 жана 2025) 11% дан ашты. Бул биздин экономикалык саясаттын натыйжалуулугун жана тандалган курсунун тууралыгын тастыктап турат», - деп баса белгиледи ал.
2025-жылдын жыйынтыгы боюнча ИДПнын көлөмү 1 трлн 976,4 млрд сомго жетти, жана жаңыланган болжолдорго ылайык, жылдын аягына чейин ал 2 трлн сомду ашып кетиши мүмкүн. Салыштыруу үчүн, 2022-жылы ИДП 1 трлн 21 млрд сомду түзгөн.
Ошентип, акыркы үч жылдын ичинде ИДПнын көлөмү эки эсе көбөйдү. 2025-жылы реалдуу ИДПнын өсүшү 11,1% түздү, бул акыркы төрт жылдын ичинде орточо жылдык өсүш темпин 10,2% га жеткирди, бул дүйнөлүк деңгээлде жогору көрсөткүч», - деп кошумчалады Касымалиев.
Өкмөт башчысы ошондой эле экономикасынын бардык секторлору бул өсүшкө салым кошконун белгиледи:
· курулуш сектору 21,1% га өстү;
· кызмат көрсөтүү сектору – 10,9% га;
· айыл чарба – 2,2% га;
· өнөр жай 10,7% га өстү, бул учурда продукциянын көлөмү дээрлик 800 млрд сомду түздү.
Эң жогорку өсүш темптери фармацевтикада – 170%, тамак-аш продукциясын өндүрүүдө – 30,1%, курулуш материалдары жана резино-техникалык буюмдарды өндүрүүдө – 35,7%, ал эми автоөнөр жайда – дээрлик эки эсе, химияда – 19,8%, жана пайдалы казындыларды өндүрүүдө – 14,2% байкалууда.
«Негизги капиталга инвестициялардын көлөмү 18,4% га өстү жана 374,6 млрд сомду түздү, бул рекорддук мааниге ээ жана 2024-жылга салыштырмалуу 100 млрд сомго көп. Анын ичинен 24% же 90,3 млрд сом республикалык бюджеттен бөлүнгөн, бул өткөн жылга салыштырмалуу 42,7% га көп», – деп билдирди Касымалиев.
