Документке кол койгондор: Энергетика министринин орун басары Алтынбек Рысбеков жана компаниянын башкы директору Цю Чэньци.
Меморандумдун шарттарына ылайык, жалпы орнотулган кубаттуулугу болжол менен 200 мегаватт болгон кичи ГЭСтердин каскадын курууну камтыган инвестициялык долбоорду ишке ашыруу пландалууда.
Долбоорду ишке ашыруу үчүн күтүлгөн инвестициялардын көлөмү болжол менен $300 миллионду түзөт.
Өкмөттө бул долбоорду ишке ашыруу генерациялык кубаттуулуктарды жогорулатууга, өлкөнүн энергетикалык туруктуулугун арттырууга жана Кыргызстандагы энергетика секторунун өнүгүүсүнө оң таасир тийгизет деп белгилешти.
