2026-жылдын 23-январында Министрлер кабинетинин жана ОсОО «Кыргызстан Риклейм Ко. ЛТД» компаниясынын ортосунда Тар дарыясында, Ош облусунун Кара-Кульжа районундагы чакан гидроэлектр станцияларынын каскадын куруу боюнча өз ара түшүнүшүү меморандуму кол коюлду.
Документти Энергетика министринин орун басары Алтынбек Рысбеков жана ОсОО «Кыргызстан Риклейм Ко. ЛТД» компаниясынын башкы директору Цю Чэньци кол коюшту.
Жетишилген макулдашууларга ылайык, жалпы орнотулган кубаттуулугу 200 МВт чамасындагы чакан ГЭС каскадын куруу боюнча инвестициялык долбоорду ишке ашыруу пландалууда. Күтүлгөн инвестициялардын көлөмү 300 миллион долларга жакын.
Бул долбоорду ишке ашыруу Кыргыз Республикасынын энергетикалык туруктуулугун бекемдөөгө, жаңы генерациялык кубаттуулуктарды киргизүүгө жана өлкөнүн энергетикалык секторунун туруктуу жана стабилдүү өнүгүшүн камсыз кылууга жардам берет. ```
