Жалал-Абад облусунда, Базар-Коргон районунда «АгроЗооВет–2026» долбоорунун алкагында семинар өттү. Бул иш-чара фермерлер жана агрардык тармактын адистери арасында билимди жогорулатуу максатында уюштурулган.
Суу ресурстары, айыл чарба жана кайра иштетүү өнөр жайы министрлиги билдиргендей, семинарда заманбап агротехнологияларды киргизүүгө жана айыл чарбаны өнүктүрүүнүн негизги маселелери боюнча маалымат берүүгө көңүл бурулду.
Иш-чарага Базар-Коргон райондук мамлекеттик администрациясынын өкүлдөрү, ошондой эле Жаныбарлардын чарбасы жана ветеринария департаментинин, Химизация жана өсүмдүктөрдү коргоо департаментинин жана башка ведомстволордун адистери катышты. Мындан тышкары, «30+20+10» программасына катышкан фермерлер жана кайра иштетүүчү ишканалардын жетекчилери да катышышты.
Семинардын алкагында жаныбарлар чарбасы, ветеринария, мал азыгы базасын жакшыртуу жана мамлекеттик колдоо, ошондой эле финансылык мүмкүнчүлүктөр боюнча материалдар сунушталды.
