Кара-Кулджа районунда Ош облусунда бүгүн «АгроЗоовет–2026» окуу караванынын алкагында семинар өттү. Бул тууралуу Кыргыз Республикасынын Суу ресурстары, айыл чарба жана кайра иштетүү өнөр жайы министрлиги маалымдады.
Министрликтин маалыматы боюнча, семинарда мал чарбачылыгын жана ветеринарияны өнүктүрүү, азык базасын жакшыртуу, ошондой эле мамлекеттик колдоо жана каржылоонун мүмкүнчүлүктөрү боюнча материалдар сунушталды.
Иш-чаранын негизги максаты фермерлердин жана агрардык сектордун адистеринин билим деңгээлин жогорулатуу, заманбап агротехнологияларды киргизүү жана айыл чарбасы боюнча актуалдуу маселелер боюнча маалымат берүү болду.
