Лейлекте «АгроЗооВет–2026» караванынын алкагында окуу семинары өттү

17-январда Лейлек райондук мамлекеттик администрациясында «АгроЗооВет–2026» караванынын алкагында окуу семинары өттү. Бул иш-чара Кыргыз Республикасынын Суу ресурстары, айыл чарба жана кайра иштетүү өнөр жайы министрлиги тарабынан уюштурулган.
Семинардын негизги максаты фермерлердин жана агрардык тармактагы адистердин квалификациясын жогорулатуу, ошондой эле заманбап агрозащиталык технологияларды киргизүү жана айыл чарбасын өнүктүрүү боюнча маанилүү маселелерди талкуулоо болду.

Семинарда райондук администрациянын өкүлдөрү гана эмес, министрликтин профильдүү адистери, аймактык бөлүмдөрдүн кызматкерлери, мамлекеттик банктардын кызматкерлери, «30+20+10» долбооруна тартылган фермердик чарбалар жана кайра иштетүү ишканалары да катышты.

Иш-чаранын жүрүшүндө мал чарбачылыгын, ветеринарияны, азык базасын жакшыртууну өнүктүрүү боюнча докладдар сунушталды, ошондой эле аграрийлер үчүн мамлекеттик колдоо чаралары жана финансылык мүмкүнчүлүктөр талкууланды.