Компаниянын башкы директору Алпбек Садыров 2025-жылдын биринчи жарымында «Электрические станции» пайда көрсөткөнүн, бирок жылдын жыйынтыгы боюнча финансылык натыйжалар кредиттик милдеттенмелердин кесепетинен терс болгонун белгиледи.
Торобаев мурда ТЭЦтин каржыланышына 1,5 миллиард сом субсидия түрүндө талап кылынарын эске салды, азыр бул сумма кыйла өскөн.
«Бүгүнкү күндө ТЭЦ 4 миллиард сом мамлекеттик колдоо алууда, бул сумманы мурда өзүңүздөр жабып турчу эле. Биз компанияны бул жүктөмдөн бошотуп, ТЭЦти мэриянын карамагына өткөрдүк. Бул боюнча суроо туулат: бул каражаттар кайда жумшалууда?» — деди ал.
Жооп катары Садыров финансылык каражаттардын көпчүлүгү Токтогул жана Уч-Курган ГЭСтерин модернизациялоо үчүн алынган кредиттерди тейлөөгө кетип жатканын түшүндүрдү.
Кеңешмеден кийин өкмөт башчысынын орун басары ТЭЦти муниципалитетке өткөрүүдөн мурун жана кийин ОАО «Электрические станции» финансылык абалынын терең анализин даярдоону тапшырды.
