ГНСтин басма сөз кызматы тарабынан уюштурулган иш-чарада кызматтын орун басарлары Азат Алманбетов жана Кубанычбек Ысабеков, ошондой эле Улуттук банк, Антимонополь жөнгө салуу кызматы, Межбанкттык процессинг борбору, Экономика жана соода министрлиги жана Кыргызстан банктарынын Союзунун өкүлдөрү чогулушту.
Жыйналыштын негизги максаты ишкерлер жана керектөөчүлөрдүн туш болгон кыйынчылыктарын азайтууга, ошондой эле накталай эмес төлөм инструменттеринин ишин жакшыртууга жана бизнес жүргүзүү үчүн ачык шарттарды түзүүгө көмөктөшүүчү биргелешкен чечимдерди иштеп чыгуу болду.
Талкуунун жүрүшүндө накталай эмес төлөмдөрдү, анын ичинде QR-коддорду жана электрондук капчыктарды колдонууга негизги көңүл бурулду. Ошондой эле жыйындын катышуучулары мындай төлөмдөрдү кабыл алууда ишкерлердин туш болгон практикалык маселелерин, ошондой эле эсептешүүлөрдүн ыңгайлуулугу жана коопсуздугу боюнча аспектилерди талкуулашты.
Жеке ишкерлер жана юридикалык жактар жаңы төлөм инструменттерине өтүүдө пайда болгон кыйынчылыктар да талкууланды. Катышуучулар бул маселелерди чечүү банктар жана профилдик уюмдардын компетенциясына кирерин белгилешти.
Ошондой эле каражаттарды тез арада эсепке алуу, тарифтерди оптимизациялоо, эсептерди жана электрондук капчыктарды ачууда административдик тоскоолдуктарды азайтуу, ошондой эле бизнес процессине таасир эткен башка техникалык аспектилер боюнча маселелерге көңүл бурулду.
Жыйындын бардык катышуучулары бизнес жана жарандардын кызыкчылыктарын эске алуу менен накталай эмес эсептешүүлөр системасын өнүктүрүүгө багытталган чечимдерди иштеп чыгууда конструктивдүү кызматташууга жана биргелешип иштөөгө даяр экендиктерин билдиришти.
Мамлекеттик салык кызматы Кыргыз Республикасынын экономикасында ачыктыкты бекемдөө, заманбап төлөм инфраструктурасын өнүктүрүү жана бизнес үчүн ыңгайлуу шарттарды түзүү боюнча өз ишин улантат.
