Бул текшерүүлөр 2025-жылдын 7-августунда № 140 номери менен чыккан Экономика жана соода министрлигинин буйругуна ылайык жүргүзүлүүдө жана эт азыктарынын, анын ичинде (сүйексиз) сиыр жана кой эттеринин бааларын убактылуу мамлекеттик жөнгө салууга байланыштуу.
Мониторинг «Ош базары», «Орто-Сай», «Аламедин», «Дордой», «Азиз» сыяктуу базарларда, ошондой эле «Маркеты», «Глобус», «Азия» жана башка дүкөндөрдө жүргүзүлөт.
Көзөмөл процессинде сатуучулар менен негизсиз бааларды жогорулатууга тыюу салуу жана белгиленген чектик бөлшек бааларды сактоо зарылдыгы боюнча түшүндүрүү сүйлөшүүлөрү өткөрүлөт. Сиыр жана кой эттеринин килограммынын баасы 680 сомдон ашпашына өзгөчө көңүл бурулат», - деп айтылат расмий билдирүүдө.
Мындан тышкары, кырдаалды жакшыртуу максатында социалдык жактан кабыл алынуучу баалар боюнча эт азыктарын сатууну кеңейтүү мүмкүнчүлүктөрү каралууда. Бул ортомчу жок соода орундарын бөлүп берүү жана кошумча сатуу пункттарын ачууну камтыйт.
Мэрия ошондой эле, бул демилгени ишке ашыруу алкагында Свердлов, Первомай, Ленин жана Октябрь райондорунун администрациялары, антимонопольдук кызматтын, ветеринардык кызматтын жана салык органдарынын өкүлдөрү менен биргеликте базарларда жана борбордун соода пункттарында рейддер жана мониторинг жүргүзүлгөнүн белгиледи.
