Акимияттан алынган маалыматка ылайык, бул жол Кенеш айылдык аймагынан өтүп, бир нече айылдарды райондук борбор жана Базар-Коргон шаары менен байланыштырат.
Иш-чарада Транспорт министрлигине караштуу «Кыргызавтожол-Юг» мамлекеттик ишканасынын өкүлдөрү, Базар-Коргон районунун жергиликтүү администрациясы, жергиликтүү бийлик жана жашоочулар катышты.
Шайдан—Абдураимов автожолунун узундугу 6 километрди түзөт. IV категорияга кирген бул бөлүк өткөн жылы «титулдук тизмеге» киргизилип, ремонттон өтүп, жөө адамдар үчүн тротуарлар менен жабдылган. Иштер райондук жол эксплуатациялоо ишканасы №50 тарабынан 16 млн 950 миң сомго аткарылган.
Жолдун калган бөлүгүн быйыл ремонттоо пландалууда. 2025-жылы Базар-Коргон районунда 32 километр автожолдор асфальтталды.
