ГСИНдин маалымат кызматынын маалыматына ылайык, окуя 5-январда саат 15:25 чамасында коргоо постунда болгон. Алдын ала маалыматтар боюнча, белгисиз себептерден улам солдат өзүнүн кызматтык куралынан өзүнө ок чыгарган жана, тилекке каршы, алган жаракатынан улам ошол жерде көз жумган.
Окуя болгон жерге ГСИНдин орун басары, полковник Курманбек Сокеев жана оперативдик тергөө иштерин уюштурууга жооптуу башка кызмат адамдары барышты.
Тергөө иштерине Базар-Коргон районунун РОВД кызматкерлери жана Жалал-Абад гарнизонунун аскер прокуратурасы катышууда. Учурда аскер прокуратурасы тергөө иштерин жүргүзүп, керектүү материалдарды топтоодо.
