Лю Цзянпин
18-мартта өткөн пресс-конференцияда элчи Лю Цзянпин: «Мен кыргыз досторум үчүн абдан ыраазычылык билдирем. Кыргыз жетекчилиги Синьцзянга байланыштуу Кытайдын позициясын бекем колдойт. Бул эки тараптын кызыкчылыктарына байланыштуу маанилүү маселелер боюнча биздин өз ара колдообузду чагылдырат, бул болсо биздин мамлекеттердин ортосундагы стратегиялык өнөктөштүктүн негизин түзөт», - деп белгиледи.
Синьцзянга каршы маалыматтык кампаниянын токтогон-токтогондугу тууралуу суроого дипломат: «Жалган маалымат ар дайым болот», - деп жооп берди.
«Кээ бир батыш өлкөлөрү бул теманы өз кызыкчылыктары үчүн колдонушат. Алардын негизги максаты - Кытайды кармоо. Бирок күндөн-күнгө көп адамдар чындыкты билип жатышат. Мен Кыргызстанда бир жыл үч айдан бери жашап жатам, жана менин жергиликтүү досторумдун көпчүлүгү Синьцзянда болуп, ал жерде эмне болуп жатканын өз көздөрү менен көрүштү», - деп кошумчалады.
Лю Цзянпин ошондой эле адам укуктарын бузуу жана мажбурлап эмгектенүү боюнча айыптоолордун ойлоп табылгандыгын белгиледи.
«Сиздер билесиздер, укук коргоо маселелери же мажбурлап эмгектенүү жөнүндө сөз болгондо, бул алардын чыныгы максаты эмес. Алар дайыма ушундай ойлоп табылган көйгөйлөрдү жана тоскоолдуктарды жаратышат. Алардын ниети ачык», - деп баса белгиледи элчи.
Ошондой эле ал регион менен Кыргызстан ортосундагы байланышка көңүл бурду.
«Синьцзян Кыргызстанга жакын. Эгер Синьцзянда баары жакшы болсо, бул Кыргызстанга да оң таасирин тийгизет. Бул эки регион бири-бири менен байланыштуу», - деп жыйынтыктады.
