Болсонару Бразилиядагы ооруканалардын биринин интенсивдүү терапия бөлүмүнө пневмониядан дарылануу үчүн жаткырылган.
Анын дене температурасы жогору, кандын кислороддун деңгээли төмөн, тердөө жана титирөө белгилери байкалган. Текшерүү бронхопневмонияны аныктады, ал, балким, аспирациядан улам пайда болгон.
«70 жаштан жогорку пациенттерде пневмония көп учурда оор өтөт, анткени бактериялар кандын агымына кирип, сепсиске алып келиши мүмкүн, бул абалды начарлатат», - деп белгиледи экс-президенттин доктуру Бразил Каядо.
Жаир Болсонару 2025-жылдын сентябрында Бразилиянын Жогорку федералдык соту тарабынан соттолуп, мамлекеттик төңкөрүшкө аракет кылганы үчүн 27 жылдык жаза мөөнөтүн өтөп жатат. Ал ошондой эле куралдуу кылмыштуу уюмду башкаруу жана демократиялык укук тартибин күч менен жок кылууга аракет кылуу боюнча бир нече айыптар боюнча күнөөлүү деп табылган. Болсонару бардык коюлган айыптарды четке кагууда.
