Биринчиден, америкалык аскерлер куткаруу операциясынын башталгандыгы тууралуу билдиришкен. Кийинчерээк Reuters аскердик ведомстводогу булактарга шилтеме берип, кулаган учакта алты аскер кызматкери болгонун, алардын бардыгы каза болгонун тактады.
Ошондой эле, окуяга катышкан экинчи учактын дагы KC-135 экени маалымдалууда. Азыркы учурда кырсыкка эмне себеп болгондугу аныкталууда.
Ирактагы "Исламдык каршылык" деп аталган коалиция кулаган учак үчүн жоопкерчиликти өзүнө алды. Бирок, АКШнын борбордук командованиеси учактын душман тарабынан атып түшүрүлгөндүгү тууралуу маалыматты четке какты.
