Мексиканын борбору Мехикодо, Сан-Антонио-Абад проспектинде үч кабаттуу имаратты бузуу учурунда окуя болду. Бул тууралуу Report агенттиги El Universal гезитинин маалыматына таянып билдирди.
El Universalдын маалыматына ылайык, кулаган имараттын натыйжасында жумушчулардын бири каза болуп, дагы бири жаракат алып, ооруканага жеткирилди. Ошол эле учурда эки адам урандылардын астында калды.
Окуя болгон жерде куткаруучулар жана жарандык коргоо кызматкерлери иштеп жатышат. Ошондой эле адамдарды издөө операциясына иттер менен иштеген топ кошулду.
Имараттын айланасы тосулуп, коопсуздукту камсыздоо үчүн жакынкы имараттардан жана соода түйүндөрүнөн 57 адам эвакуацияланды.
Аделя Клычева
