Ведомстводо "Ирандан чыгарылган баллистикалык ракета Түркиянын аба мейкиндигинде жок кылынды" деп белгилешти. Мындай маалыматты алар өз билдирүүсүндө жарыялашты.
***
28-февралда таң эрте Израиль жана АКШ Иранга каршы аскердик аракеттерди башташты. Дональд Трамп Ислам Республикасынын ядролук программасын жок кылуу ниетин билдирди.Муну жооп катары Иран Израиль жана коңшу өлкөлөрдүн, америкалык аскердик базалары жайгашкан жерлерине сокку ура баштады. Сокку Бахрейнге, Катарга, Кувейтке, Абу-Даби, Дубайга (БАЭ) жана Эр-Риядга (Сауд Аравиясы) жасалды.
Израиль жана АКШнын чабуулунун натыйжасында Ирандын жогорку лидери аятолла Али Хаменеи өлтүрүлдү, кийинчерээк анын аялы Мансуре Ходжасте алган жаракаттарынан улам каза болду.
Дональд Трамп Ирандагы аскердик операция төрт жумага созулушу мүмкүн экенин билдирди. Иран АКШ жана Израилге каршы жихад жарыялады, сүйлөшүүлөр болбойт деп билдирди.
Жакынкы Чыгыштагы конфликт глобалдык кесепеттерге ээ, анын ичинде Кыргызстан үчүн. Учурда миңдеген кыргыз туристтери БАЭде калып калды. Чет өлкөдөгү Кыргызстандын жарандары үчүн элчиликтердин жана консулдуктардын байланыш номерлерин бул жерден таба аласыз.
