Министрлик бул маселени дайыма көзөмөлдөп турганын жана сүйлөшүүлөрдүн жүрүшү тууралуу кошумча маалымат кийинчерээк берилерин белгилейт.
Тышкы иштер министрлиги Түштүк-Чыгыш Азияда жүргөн кыргызстандыктарга сак болууну, эл көп чогулган жерлерден жана мүмкүн болгон кооптуу аймактардан качууну, жергиликтүү бийликтердин жана укук коргоо органдарынын көрсөтмөлөрүнө баш ийүүнү, ошондой эле дайыма өздөрүнүн жеке документтерин жана дипломатиялык мекемелердин байланыш маалыматтарын алып жүрүүнү, расмий жарыяларга көз салып турууну сунуштайт.
28-февралдын таңында Израиль жана Америка Кошмо Штаттары Иранга каршы абадан сокку урду. Дональд Трамп ирандын ядролук программасын жок кылуу пландарын растады.
Мунун жооп катары Иран Израильдеги жана Түштүк-Чыгыш Азиядагы, анын ичинде Бахрейн, Катар, Кувейт, Абу-Даби жана Дубай (БАЭ) сыяктуу өлкөлөрдөгү АКШнын аскердик базаларына сокку урду. Ошондой эле Эр-Рияд (Саудия Аравиясы) да камтылды.
Америкалык жана израильдик күчтөрдүн соккусунун натыйжасында Ирандын жогорку лидери аятолла Али Хаменеи өлтүрүлдү. Кийинчерээк анын аялы, Мансуре Ходжасте, кол салуудан алган жаракаттарынан улам каза болду.
Дональд Трамп Ирандагы аскердик аракеттер төрт жумага созулушу мүмкүн экенин билдирди. Иран жооп катары АКШга жана Израилге каршы жихад жарыялап, сүйлөшүүлөрдү өткөрүүнү кабыл алынгыс деп билдирди.
Региондогу кырдаал дүйнөгө, анын ичинде Кыргызстанга да таасир этүүдө. Конфликттин натыйжасында миңдеген туристтер БАЭде калып калды. Кыргыз Республикасынын жарандары үчүн чет өлкөдөгү элчиликтердин жана консулдуктардын телефон номерлерин бул жерден табууга болот.
