Сенатор болжолдонгон операциянын максаттары боюнча суроолорду берди: Ирандын ядролук арсеналын жок кылуу, ракеталык инфраструктураны талкалоо, режимди алмаштыруу же терроризмге каршы күрөшүү жөнүндө сөз болуп жатабы. Ал бул суроолорго азырынча так жооптор жок экенин баса белгиледи.
Мындан тышкары, Блюменталь жашыруундуктун деңгээлин сындап, АКШ администрациясы коомчулукка жабык брифингдер менен чектелбестен, көбүрөөк ачык маалымат бериши керектигин айтты.
Эскерте кетсек, 28-февралда АКШ жана Израиль Иранга каршы ири масштабдагы аскердик операцияны башташты. Израиль бийликтери чабуулдардын негизги максаты Тегерандын ядролук курал алуу аракетин алдын алуу экенин билдиришти. АКШнын президенти Дональд Трамп Ирандын аскердик флотун жана коргонуу өнөр жайын жок кылуу ниетин билдирип, жарандарды учурдагы режимди кулатууга чакырды.
1-марттын түнүндө Иран жогорку лидер Али Хаменейдин өлүмү тууралуу маалымдады.
Медиа маалымдарына ылайык, соккулар Ирандагы жана коңшу өлкөлөрдөгү аскердик объектилерге гана эмес, жарандык инфраструктурага да жасалууда. Тегеран жооп катары Израильдин аймактарына жана региондогу америкалык базаларга чабуул жасоодо.
