1-мартта Америка Кошмо Штаттарынын президенти Дональд Трамп Ирандагы конфликт төрт жумага чейин созулушу мүмкүн экенин билдирди. The Daily Mail үчүн берген интервьюсунда ал: «Биз бул төрт жума же андан аз убакытты алат деп болжолдогонбуз. Башында төрт жумага созула турган процесс жөнүндө сөз болгон, ошондуктан, бул төрт жума же андан аз убакытты алат», - деп айтты.
Трамп кошумчалады, аскердик операция пландалгандай өтүп жатат. Ал ошондой эле күтүлгөндөн көп ирандык жогорку кызмат адамдары жок кылынганын айтып, санын «48 адамдын тегерегинде» деп атады.
Иран менен сүйлөшүүлөрдүн мүмкүнчүлүгү жана алардын өткөрүү мөөнөттөрү боюнча суроого Трамп, мындай маалыматка ээ эместигин билдирди. «Алар сүйлөшүүлөрдү жүргүзгүсү келет, бирок мен аларга өткөн жумада сүйлөшүүлөрдү башташы керек деп айткам, азыр эмес», - деп баса белгиледи АКШ президенти.
Эскерте кетсек, 28-февралда АКШ жана Израиль Иранга каршы сокку урушту, ал эми Тегеран бул үчүн аймактагы коңшу өлкөлөргө жүздөгөн ракета жана учкучсуз учактар менен сокку урушу менен жооп берди.
