Президент референдум өткөрүү боюнча жарлыкка кол койду. Документте төмөнкүлөр көрсөтүлгөн: «Казакстандын жаңы Конституциясынын долбоорун республикалык референдумга чыгаруу, суроо: «Сиз 12-февралда массалык маалымат каражаттарында жарыяланган РКнын жаңы Конституциясын кабыл алатсызбы?»
Добуш берүүнү уюштуруу жана өткөрүү борбордук, аймактык жана участкалык шайлоо комиссияларына жүктөлдү, ал эми өкмөттүн ЦИК жана башка мамлекеттик органдар менен биргеликте референдумду ийгиликтүү өткөрүү үчүн зарыл чараларды камсыз кылуу тапшырылды.
Конституциялык комиссия 21-январда түзүлгөн. Башында Негизги мыйзамдын 77 беренесине өзгөртүүлөрдү киргизүү пландалган, бул тексттин 84% түзөт. Бирок 29-январда комиссиянын мүчөлөрү сунушталган өзгөртүүлөрдүн ушунчалык маанилүү экенин түшүнүп, толугу менен жаңы Конституцияны кабыл алуу ылайыктуу деген чечимге келишти. Президент бул өзгөртүүлөр мамлекеттик структураны түп-тамырынан өзгөртөт деп белгиледи.
31-январда жаңы Конституциянын долбоору сунушталды, ал преамбула жана 11 бөлүмдү камтыйт, бардыгы 95 беренеден турат. 11-февралда реформа боюнча комиссия бул долбоорду референдумга чыгарууну сунуштады.
Президент бир нече жолу акыркы чечимди өлкөнүн эли кабыл аларын баса белгиледи.
Эскерте кетсек, Казакстанда акыркы референдум 2024-жылдын октябрында өтүп, жарандар атомдук электр станциясын куруу боюнча суроого добуш беришкен.
