ТАСС билдиргендей, «бул Ням-Осорун Учралдын 2025-жылдын ноябрында Монголия парламентинин 14-спикери болуп шайлангандан берки биринчи расмий чет өлкөгө болгон визити», жана ал орус мигранттарынын урпагы болуп эсептелет экен.
Улуу Мамлекеттик Хуралдын басма сөз кызматынын өкүлү Төгсбаяр Батсайхан бүгүн ТАСС сайтында жайгаштырылган маалыматты четке какты. Ал Учрал Ням-Осорунун келип чыгышы тууралуу орус агенттигинин жарыялаган маалыматтары чындыкка дал келбестигин жана жалган экенин баса белгиледи. Бул тууралуу MiddleAsianNews маалымдайт.
«Улуу Мамлекеттик Хуралдын Төрагасынын биографиялык маалыматтары, билим алуусу жана карьерадагы жетишкендиктери ачык булактарда жеткиликтүү.
Адамдын келип чыгышы тууралуу жалган маалыматтарды таратуу этикалык жактан кабыл алынгыс. Мындай маалыматтар расмий биографияларда жана документтерде көрсөтүлгөн эмес.
Биз эл аралык маалымат каражаттарын фактыларды текшерүүгө жана инсанды сыйлоого чакырабыз. ТАСС бул катаны оңдойт деп үмүттөнөбүз», — деди Төгсбаяр Батсайхан.
