Президент Трамп өз сунушун Truth Social социалдык тармагында жарыялады. Ал биринчи президенттик мөөнөтүндө АКШнын куралдуу күчтөрүн жаңыртууда чоң жетишкендиктерге жеткенин, жаңы жана модернизацияланган ядролук системаларды киргизгенин белгиледи.
«Мен Пакистан менен Индия, Иран менен Израиль, ошондой эле Россия менен Украина ортосундагы ядролук конфликттерди алдын алууга жетиштим. СНВ-3 келишимин узартуунун ордуна, ал начар түзүлгөн жана мурдагыдай эле бузулуп жаткандыктан, мен жаңы, натыйжалуу жана заманбап келишим түзүү үчүн биздин ядролук маселелер боюнча адистерибизди тартууну сунуштайм», – деди Трамп.
СНВ келишими 2010-жылдын 8-апрелинде кол коюлуп, 2011-жылдын 5-февралында күчүнө кирген, ал эми 2021-жылдын февралында анын мөөнөтү беш жылга узартылган. Кечээ Россиянын тышкы иштер министрлиги бул келишимдин мөөнөтүнүн аяктаганын билдирди.
БУУнун Башкы катчысы Антониу Гутерриш учурдагы абалды «эл аралык коопсуздук үчүн оор учур» деп атап, тараптарды ядролук куралдарды көзөмөлдөөнүн жаңы механизмин түзүү боюнча сүйлөшүүлөрдү дароо баштоого чакырды.
