Иллюстративдик сүрөт
Парламенттин спикери Мохаммад-Багер Галибаф бул чечим Ислам революциясынын күзөтчүлөр корпусун (КСИР) террордук уюм катары таанууга каршы күрөшүү боюнча мыйзамдын 7-беренесине негизделгенин билдирди. Анын айтымында, Европанын армиялары эми террордук түзүмдөр катары каралууда.
«Европалыктар, Ислам революциясынын күзөтчүлөр корпусуна кол салууга аракет кылып, чындыгында өздөрүнө сокку урушту, өздөрүнүн элдеринин кызыкчылыктарына каршы келген чечимдерди кабыл алып, АКШнын көрсөтмөлөрүнө ылайык иш алып барышты»,— деди Галибаф депутаттарга кайрылып.
Мындан тышкары, парламенттин спикери улуттук коопсуздук боюнча комиссия Европа өлкөлөрүнүн аскердик атташелерин чыгаруу мүмкүнчүлүгүн талкуулаарын жана бул диалогду тышкы иштер министрлиги менен улантаарын билдирди.
Эскерте кетсек, 29-январда Кая Каллас, евродипломатиянын башчысы, Европа өлкөлөрүнүн тышкы иштер министрлери КСИРди террордук уюмдардын тизмесине киргизүү боюнча макулдашууга келгенин билдирди. Бул чечим Иранда декабрдын аягында башталган массалык нааразылыктарды басууга катышканы үчүн кабыл алынган.
