Буга чейин The New York Times билдиргендей, Трамп Пентагондон Иранга каршы мүмкүн болгон аскердик операциялардын тизмесин алган. Басылманын маалыматына ылайык, Вашингтондо ирандык ядролук жана ракеталык объектилерге сокку уруунун варианттары, ошондой эле өлкөдөгү бийликти алсыратууга багытталган аракеттер каралууда.
Анткен менен, батыштын чалгындоо кызматтары Иран учурда ядролук куралды иштеп чыгууда деген далилдерди тапкан жок. Басылмада жогорку деңгээлдеги уранды байытуу же согуштук баштык түзүү менен байланышкан башка аракеттердин белгилери табылганы айтылбайт.
Ирандын тышкы иштер министри Аббас Аракчи мурда Тегеран АКШ менен ядролук программа боюнча диалогду кайра баштоого даяр экенин, бирок Дональд Трамп Ислам республикасына жаңы аскердик аракеттер менен коркутууну токтотсо гана мүмкүн экенин билдирген.
Өткөн жылы Иран жана АКШ Оман аркылуу сүйлөшүүлөрдү жүргүзүшкөн, бирок алар Иран объектilerine Израиль жана АКШ тарабынан болгон чабуулдардан кийин июнь айында токтотулган.
