Тажикстандын Тышкы иштер министрлиги өз билдирүүсүндө республика бардык конфликттерди дипломатиялык каналдар аркылуу тынчтык жолу менен чечүүгө чакырарын баса белгилейт жана бардык тараптарды БУУнун Уставынын принциптерин жана эл аралык укуктун нормаларын урматтоого үндөйт.
«Тажикстан Республикасы БУУнун Уставынын принциптерин жана эл аралык укуктун нормаларын сактоого, ошондой эле региондогу тынчтыкты жана туруктуулукту камсыздоо боюнча активдүү аракеттерге чакырат», - деп айтылат расмий комментарийде.
Ошондой эле, өткөн күнү АКШнын президенти Дональд Трамп Иранга «америкалык кемелердин армадалары» келе жатканын билдирди.
«Азыркы учурда Иранга мыкты армадалар ишенимдүү жөнөп жатат, эмне болорун көрөбүз», - деди Трамп Айова штатында өткөн иш-чарада.
Ал Тегеран менен Вашингтон ортосунда келишим түзүү мүмкүнчүлүгүнө үмүт артып жатканын, бирок кандай келишим жөнүндө сөз болуп жатканын тактаган жок.
