Жаңы документте 2025-жылдын январь айына карата АКШ глобалдык жана регионалдык коопсуздук маселелеринде абалдын начарлашын, Кытайдын таасарынын күчөшүн, альянстарды алсыратууну, батыш жарым шарындагы коркунучтарды жана ири конфликттердин бир убакта пайда болуу мүмкүнчүлүгүн күтүп жаткандыгы көрсөтүлгөн. Стратегиянын негизги максаты — коопсуздук боюнча приоритеттүү багыттарга ресурстарды топтоо.
Стратегиянын негизги акценттери:
- Американдык чек араларды коргоо: чек араларды жана аба мейкиндигин бекемдөө, ракеталарга жана дрондорго каршы коргонуу системаларын өнүктүрүү, ядролук каршылык, кибер коргоо жана эл аралык терроризм менен күрөшүү. Ошондой эле АКШнын Батыш жарым шарындагы кызыкчылыктарын, Панама каналына жана Гренландияга кирүүнү коргоонун маанилүүлүгү баса белгиленет.
- Индо-Тихоокеандык региондогу Кытайды кармоо: түздөн-түз кагылышуусуз күчтөрдүн стратегиялык тең салмактуулугун түзүү, Биринчи аралдар чынжырындагы коргонууну бекемдөө, Кытай менен аскердик байланыштарды орнотуу, эскалацияны алдын алуу жана регионалдык союздаштар менен активдүү кызматташуу.
- Коргоо милдеттерин кайра бөлүштүрүү: АКШнын өнөктөштөрү жана союздаштары өз коопсуздугун камсыздоодо активдүү рольду алышы керек. Коргоо чыгымдарынын максаттуу деңгээли 5% ИДП (3,5% аскердик муктаждыктар үчүн жана 1,5% коопсуздуктун башка аспекттери үчүн) катары белгиленген.
- Коргоо өнөр жайын өнүктүрүү: америкалык коргоо өндүрүшүн калыбына келтирүүнү жана кеңейтүүнү тездетүү, жасалма интеллектти камтыган алдыңкы технологияларды киргизүү, жөнгө салуучу тоскоолдуктарды жоюу жана союздаштардын өнөр жай өнөктөштөрү менен кызматташуу.
Пентагондун өкүлдөрү жаңы стратегияны ишке ашыруу ири конфликттердин тобокелин төмөндөтүп, АКШ үчүн да, алардын өнөктөштөрү үчүн да узак мөөнөттүү коопсуздукту камсыз кылышы керек экенин баса белгилешет.
